Vuällamvuõttčiõʹlǧǧõs

Tät vuällamvuõttčiõʹlǧǧõs kuâskk neʹttkääzzkõõzz luontoon.fi. Kääzzkõõzz kuâskk lääʹǩǩ digitaalʼlaž kääzzkõõzzi taʹrjjummšest (306/2019), lääddas, mâʹst oudldet, što õõlmâs neʹttkääzzkõõzz âʹlǧǧe leeʹd vuällamlaaǥǥan.

Kovvõs seiddõõzz vuällamvuõđâst vuâđđââvv Luontoon.fi-kääzzkõõzz oouʹdeeʹji da åålǥpeällsaž äʹšštobddiorganisaatio ärvvtõõllmõʹšše.

Kääzzkõs teâudd vuällamvuõttõõlǥtõõzzid šuurmõs vueʹzzin.

Vuällamvuõttvääʹn lie pijjum joouki mieʹldd täi obbvuõđi vuâlla:

• aiccâmnallšem
• vaaldšemnallšem
• fiʹttjemnallšem
• toiʹmmjemsnäätnai
• jeeʹres vuällamvuõttvääʹn

Aiccâmnallšem

Snimldõõǥǥâst väill teʹksttvaast
Kääzzkõõzzâst lie måtam snimldõõǥǥ, koin väilla kovveei teʹksttvastti. (1.1.1)

Videost väill vaast
Kääzzkõõzzâst lij video, koon visuaalʼlaž siiskõõzzâst väill vaast. (1.2.1)

Teʹksttǩiiʹddi ââʹnnem-meäʹr kovvummšest lie vääʹn
Teʹksttǩeeʹdd jie leäkku tobddum heiʹvvjeei autocomplete-attribuuttivuiʹm. (1.3.5)

Ij-teʹkstthämmsaž siiskõõzz kontrastt ij leäkku riʹjttjeei
Puällpåʹrddkõõsktummši kontrastt ij leäkku pääiktõõǥǥi riʹjttjeei. (1.4.11)

Vaaldšemnallšem

Ǩiõllvaʹljstõõǥǥ puällpåʹrdd- da veäʹǩǩneävvââʹnnmest lie vääʹn
Ǩiõllvaʹljstõk ij leäkku njueʹbǯǯlânji vaaldšemnalla tåʹlǩ puällpooʹrdin leʹbe veäʹǩǩneävvaivuiʹm. (2.1.1)

Ohjjeemjiârǥâst puäʹtte ouʹdde vääʹn
Ohjjeemjiârgg ij leäkku pääiktõõǥǥi looglaž. (2.4.3)

Måtam liiŋki ââʹnnem-mieʹrr vuäitt leeʹd pannčiõlǥâs õõʹnnʼja
Seiddõõzzâst lie liiŋk, kooi ââʹnnem-mieʹrr vuäitt leeʹd õõʹnnʼja pannčiõlǥâs. (2.4.4)

Pâʹjjǩeeʹrjtõs ij leäkku kovveei
Seeidast lij pâʹjjǩeeʹrjtõs, kååʹtt lij pannčiõlǥâs. (2.4.6)

Elemeeʹnt jie vuäǯǯ kuâsttjeei kõõsktummuž mobiilaparaattivuiʹm
Kääzzkõõzzâst lie elemeeʹnt, kook jie vuäǯǯ kuâsttjeei puällpåʹrddkõõsktummuž mobiilaparaattivuiʹm. (2.4.7)

Puk elemeeʹntid ij pââʹst plaađđâd õõut čuäʹjteei ohjjeemlikstõõzzin
Mobiilaparaattin kääzzkõõzzâst lie elemeeʹnt, koid ij pââʹst plaađđâd õõut čuäʹjteei ohjjeemlikstõõzzin.

Fiʹttjemnallšem

Ǩiõll ij leäkku mieʹrǩǩuum prograammlânji
Veeʹresǩiõllsa pääiʹǩ jie leäkku mieʹrǩǩuum prograammlânji ǩiõllattribuuttin. (3.1.2)

Ooccâmǩeeʹddest väill nõmmlapp
Kääzzkõõzzâst lij ooccâmǩeʹdd, mâʹst väill ǩeeʹjjmieʹldd ääiʹj kuâsttjeei nõmmlapp, kååʹtt kovvââll ǩeeʹdd ââʹnnem-meäʹr. (3.3.2)

Vââʹjj kovvõõlât õõʹnnʼja tåʹlǩ takainalla
Teʹksttǩiiʹddi õhttvuõđâst lie pääiʹǩ, koin vââʹǩǩteeʹkst jie kovvõõl võõʹjjid tärkka. (3.3.2)

Toiʹmmjemsnäätnai

Måtam elemeeʹnti vuällamlaaǥǥan nõõmin lie vääʹn
Måtam elemeeʹnti vuällamlaaǥǥan nõõm väilla leʹbe vuällamlaaǥǥan nõõmin lie muđoi vääʹn. (4.1.2)

Elemeeʹnti õnnum roolin lie vääʹn
Måtam elemeeʹnti õhttvuõđâst rool jie kovvâd elemeeʹnt toiʹmmjummuž. (4.1.2)

Teâtt siʹllʼjummuž puäđõõzzin ij pâi sirddu
Teâtt siʹllʼjummuž puäđõõzzin ij sirddu, jõs siʹllʼjemsaakk pââšš seämman. (4.1.3)

Jeeʹres vuällamvuõttvääʹn

Kääzzkõõzzâst vuäiʹtte leeʹd kuälmad vueʹsspeäʹl puuʹtʼtem siiskõõzz, kook jie tieuʹd pukid vuällamvuõttõõlǥtõõzzid.

Vuäitak uʹvdded miʹjjid vuällamvuõđâst vuällamvuõttmaacctõõzz maacctõslomaakkin leʹbe addrõõzzâst luontopalvelut(a)metsa.fi. Mušttâl maacctõõzzstad, mõõn seeidast lij kõõččmõš da kovvõõl vaiggâdvuõđ nuʹtt tärkka ko vueiʹtlvaž.

Jõs vuâmmšak seiddõõzzâst vuällamvuõttvaiggâdvuõđid, uuʹd vuõššân maacctõõzz miʹjjid leʹbe seiddõõzz âʹlnnõõʹnnʼja. Vasttõõzzâst vuäitt mõõnnâd 14 peiʹvved. Jõs jiõk leäkku tååđvaž vuäǯǯmad vasttõʹsse leʹbe jiõk vuäǯǯ vasttõõzz ni vooʹps kueiʹt neäʹttel ääiʹj, vuäitak tuejjeed iʹlmmtõõzz Jååttlõk- da saaggtemkoontâr Traficom, lääddas. Seeidast mušttlet tärkka, mäʹhtt vuäitt tuejjeed iʹlmmtõõzz da mäʹhtt ääʹšš ǩiõttʼtõõlât.

Vuåppâmveʹrǧǧneeʹǩǩ õhttvuõtt-teâđ

Jååttlõk- da saaggtemkoontâr Traficom
www.saavutettavuusvaatimukset.fi
saavutettavuus@traficom.fi
teʹlfon-nââmar, kuvddlõs 029 534 5000

Tät vuällamvuõttčiõʹlǧǧõs lij õlmstõttum 31.12.2024.