Tiäđui nuurrâm
Luontoon.fi -siijđoin noreh kevttei tiäđuid macâttâsluámáttuvváin.
Macâttâsluámáttuvváin kevttee puáhtá nuuvt haalijddijn kyeđđiđ suu ohtâvuotâtiäđuid, jis sun haalijd vástádâs suu macâttâsân. Macâttâsluámáttuvváin puáhtá adeliđ čuávvoo persovntiäđuid: nommâ já šleđgâpostâčujottâs.
Tiäđui kieđâvuššâm já luovâttem
Macâttâsluámáttuvváin nurrum tiäđuh sirdâšuveh Meccihaldâttâs pirâs- já kvaliteetvuáháduv macâttâsvuáđun. Persovntiäđuid iä luovât Meccihaldâttâs ulguubeln já toh kieđâvuššojeh tuše ETA-kuávlu siste.
Tiäđui suoijim
Luontoon.fi -siijđoi suoijimist nuávditteh šiev tiätutorvovuáháduv sehe vyeimist orroo laavâid já njuolgâdusâid sehe toid tievâsmittee Meccihaldâttâs ravvuid. Vuáháduv kevttim lii räijejum kevttimvuoigâdvuođâiguin tuše ulmuid, kiäh tarbâšeh tiäđuid pargostis.
Niästádâsâi kevttim
Luontoon.fi -viermipalvâlusâst kevttih niästádâsâid ("cookies"). Niästádâsah láá om. tiättur teikâ puhelin laađđâm já server koskâsiih uccâ tekstâvuárháh. Niästádâsâin já eres tubdâldâsâin lii miäruštâllum vyeimistorrooäigi, mon maŋa laađđâm váldá meddâl tubdâldâs. Mij kevttip taid tekniikijd tooimâi olášutmân sehe analytiikân. Laađđâm asâttâsâin kevttee puáhtá nuuvt haalijddijn kieldiđ niästádâsâi vuástáväldim teikâ sikkođ meddâl suu laađđâmân vyerkkejum niästádâsâid. Taat puáhtá kuittâg tovâttiđ vááijuvvuođâ siijđoi toimâmist. Tun uáináh siijđoi puoh kevttum niästádâsâid já jieijâd adelem niästádâsasâttâsâid já puávtáh mutâččiđ asâttâsâid siijđoi vyeliuásist leijee Niästádâsasâttâsah-liiŋkâ peht.
Viermipalvâlus kevttim čuávvum
Mij nuurrâp Luontoon.fi-viermipalvâlus kevttimist tiäđuid niästádâsâittáá Snoobi Analytics -palvâlussáin. Viermipalvâlus kuállejeijein iä nurruu persovntiäđuh, main ovtâskâs kuállejeijee puávtáččij tubdâđ. Tiäđuh kiävttojeh viermipalvâlus oovdedmist. Nurrum tiäđuh siäiluduvvojeh Snoobi Analytics -tyejipiergâsist. Snoobi haaldâš täid tiäđuid tiätusyejikeevâtlâšvuođâidis miäldásávt. Lasetiäđuh láá Snoobi Analytics viermisiijđoin (snoobi.com).
Registeristum ulmuu vuoigâdvuođah
egisteristum ulmust lii vuoigâdvuotâ pivdeđ registertuállest sunjin kyeskee tiäđuid sehe vuoigâdvuotâ pivdeđ epitärhis já puástutiäđui njuolgim já toi kieđâvuššâm raijim nuuvt kuhháá ko visásmiteh ete tiäđuh tuálih tiäivás. Registeristum ulmust lii meid vuoigâdvuotâ toohâđ väidim kocceemvirgeomâhâžân persovntiäđui kieđâvuššâmtooimâin.
Register tuállee ohtâvuotâtiäđuh
Tiätusyejičielgiittâsân já registeristum ulmuu vuoigâdvuođáid kyeskee koččâmuššáid västid vuosâsajasávt vuáháduv registerovdâsvástádâsolmooš Joel Heino (joel.heino(at)metsa.fi) sehe tiätusyejivästideijee Janne Kiiskinen (janne.kiiskinen(at)metsa.fi). Tiätusyejiaašijn mij pivdep väldiđ ohtâvuođâ vuosâsajasávt kirjálávt njuolgist registertuállei: Metsähallitus/Kirjaamo, PL 80 (Opastinsilta 12 C), 00521 Helsinki teikâ muulsâiävtulávt čujottâsân: tietosuoja(at)metsa.fi.
Päivitetty 11.12.2024
Päivitetty 24.10.2024