Aalmuglâšmeecih láá stuorrâ luándusuojâlemkuávluh, moi pargon lii siäiludiđ luándu maaŋgâhámásâšvuođâ já faallâđ kuossijd máhđulâšvuođâ navdâšiđ luándust.
Mii ohtsiih luánduaarnih
Aalmuglâšmeecij tehálumos pargo lii turviđ luándu maaŋgâhámásâšvuođâ. Aalmuglávt já aalmugijkoskâsávt tivrâs aalmuglâšmeecih láá vuáđudum lavváin staatâ vijđoduvváid. Jyehi mecci oovdâst tijpâlii syemmilii luándu pyeremus mudostis, ain tuoddârijn suáluikuávlui räi.
Meccihaldâttâs västid puoh Suomâ aalmuglâšmeecij tipšomist. Kiäinuh láá vuávájum já paijeentollum nuuvt, et toh stivrejeh jotteid jotteeđ luándun ustevlijn vuovvijn. Tot iššeed siäiludiđ täi kuávlui áinoošlajâsâšvuođâ meid puáttei suhâpuolvâi várás.
Kaavnâ jieijâd vyevi jotteeđ luándust
Aalmuglâšmeecih fäälih eromâš šiev máhđulâšvuođâid virkosmitmân, luándusuojâlem iävtuiguin. Tun puávtáh valjiđ maaŋgâpiälásijn kiäinuin olssâd hiäivulii – lâiba tot te pyeráinvyeijimkiäinu, hastâleijee vajâldem tâi rávhálâš evvismätki vuoiŋâstemsajan. Aalmuglâšmeecijn puáhtá ijâstâllâđ ovdâmerkkân telttaastâllâmvijđoduvâin, láávuin, ävđin- tâi láigutuuvijn tâi oovtâstpargoirâtteijei ijjâdemsoojijn.
Aalmuglâšmeecih puávdejeh tuu uápásmuđ Suomâ muččâdumos enâduvváid já muásudâttâđ luándust. Ain áávus já nuuvtá aalmuglâšmeecih fäälih tunjin fiäránijd, maid jieh kuássin vájáldit.