Álbmotmeahcit leat viiddis luonddusuodjalanguovllu, maid bargun lea seailluhit luonddu máŋggahámatvuođa ja fállat galledeaddjiide vejolašvuođa návddašit luonddus.
Min oktasaš luondduártnat
Álbmotmehciid dehálamos bargu lea dorvvastit luonddu máŋggahámatvuođa. Álbmotlaččat ja riikkaidgaskasaččat árvvolaš álbmotmeahcit leat vuođđuduvvo lágain stáhta guovlluide. Juohke álbmotmeahcci ovddasta dábálaš suopmelaš luonddu buoremus vuogis, duoddariin gitta suologuovlluide.
Meahciráđđehus vástida Suoma álbmotmehciid dikšumis. Máđijat leat plánejuvvon ja bajásdollojuvvon nu, ahte dat stivrejit galledeaddjiid johtit lundui ustitlaš vugiin. Dát veahkeha seailluhit dáid guovlluid áidnalunddotvuođa maiddái boahtte sohkabuolvvaide.
Gávnna iežat vuogi johtit luonddus
Álbmotmeahcit fállet earenoamáš vejolašvuođaid áhpásmuhttimii, luonddusuodjaleami eavttuid mielde. Sáhtát válljet máŋggabealat máđijaid gaskkas dan mii heive dutnje buoremusat – leaš dal sihkkelastinmáđija, hástaleaddji vánddardanmátki dahje ráfálaš reaisu bosihansadjái borrat nisttiid. Álbmotmeahcis sáhtát idjadit ovdamearkka dihtii tealttástallanguovllus, lávuin, ávdin- dahje láigostobuin dahje ovttasbargofitnodatdolliid idjadansajiin.
Álbmotmeahcit bovdejit du oahpásmuvvat Suoma čábbásamos eanadagaide ja muossánit luonddus. Álbmotmeahcit mat leat alo rabas ja nuvttá fállet dutnje vajálduvakeahtes vásáhusaid.